Жәнібек Әлімханұлының допинг ісі: «Командамен мұқият разобраться ету керек» — сарапшы пікірі
Танымал сарапшы әрі Fightnews басылымының бас редакторы Карл Фрайтаг қазақстандық боксшы Жәнібек Әлімханұлының допинг ісіне қатысты күтпеген астыртын теориясын айтты, деп хабарлайды Sports.kz. Оның айтуынша, бұл жағдай «өте күмәнді әрі түсініксіз».
Fightnews.com бас редакторының пікірінше, Әлімханұлының ісі спорт логикасына сыймайды.
«Мансабындағы ең маңызды жекпе-жек, үш әлем чемпиондық белбеуі, өміріндегі ең ірі гонорар — және осындай нәтиже. Мен Жәнібек мельдонийді әдейі қабылдады деп сенбеймін. Бұл боксқа айтарлықтай артықшылық беретін препарат емес. Оның үстіне 42 жастағы Эрисланди Ларамен салыстырғанда», — деді Фрайтаг.
«Бұл — әдейі емес»
Сарапшы Жәнібектің әрдайым таза спортты қолдайтынын, допинг-тесттерді жиі тапсыратынын еске салды.
«Мен қастандық теорияларын таратқым келмейді. Бірақ Әлімханұлы бұл мәселені өз командасымен бірге терең талдауы керек. Ең кемі — бұл команданың жауапты мүшелерінің салғырттығы. Ал болмаса… өзіңіз түсінесіз», — деді ол.
B сынама және мүмкін салдар
Карл Фрайтагтың ойынша, B допинг-сынаманың теріс шығу ықтималдығы өте төмен. Егер ол да оң нәтиже көрсетсе:
- Жәнібек дисквалификацияға ұшырауы мүмкін;
- Чемпиондық белбеулерінен айырылуы ықтимал.
«Әр белбеу бойынша ресми үміткер бар. IBF пен WBO — WBC немесе WBA секілді жұмсақ емес. Бұл ұйымдар допинг дауларына өте қатаң қарайды — препарат әдейі қабылданды ма, әлде кездейсоқ па, айырмашылық жоқ. Бұл жолы Жәнібекке сәттілік серік болмады», — деді Фрайтаг.
Қашан рингке оралады?
Сарапшының болжамынша, Әлімханұлы келесі жылдың желтоқсанына дейін рингке шықпауы мүмкін. Дегенмен ол боксшының болашағына күмән келтірмейді:
«Мен оны мансап тұрғысынан “жерлеуді” қаламаймын. Тіпті белбеулерінен айырылса да, Жәнібек қайта оралады деп сенемін. Бұл тез болмайды, бірақ бокстың шыңына қайта көтерілуге шынайы мүмкіндігі бар».
Еске сала кетейік
6 желтоқсанға жоспарланған үш титул үшін жекпе-жек алдында Жәнібек Әлімханұлы допинг жанжалының ортасында қалды.
WBO қазақстандық боксшының оң допинг-тест тапсырғанын ресми растады және тергеу басталғанын мәлімдеді. Ал спортшының өзі ережені бұзбағанын айтып, екінші сынаманы қайта тексеруді сұрады.
