Усик Головкинге World Boxing ұйымын басқаруға сайланғаннан кейін жолдау жасады

Украинаның атақты боксшысы Александр Усик Геннадий Головкинді World Boxing ұйымының президенті болып сайлануымен құттықтап, оған арнап арнайы үндеу жолдады, деп хабарлайды dailykz спортшының Instagram парақшасына сілтеме жасап.

Еске салайық, бұған дейін Головкин әлеуметтік желідегі жазбасында өз еліне және қазақстандық жанкүйерлерге қолдауы үшін алғыс білдірген болатын. Сонымен қатар ол Қазақстан президенті Қасым-Жомарт Тоқаевқа қазақ тілінде жеке ықыласын жеткізді.

23 қарашада өткен World Boxing Конгресінде Геннадий Головкин ұйымның жаңа басшысы болып сайланды. Ол өз сөзінде боксты дамытуға, әділдік пен теңдікті сақтауға және спортшылардың құқықтарын қорғауға бар күшін салатынын атап өтті.