Токаев: Жапония қазақстандықтарды тәртібі мен табандылығымен шабыттандырады
Токаевтың Жапонияға алғашқы ресми сапары император Нарухитомен кездесуден басталды. Бұл туралы dailykz Ақордаға сілтеме жасап хабарлайды. Мемлекет басшысы Қасым-Жомарт Тоқаев көрсетілген қонақжайлылық үшін ризашылығын білдірді.
Президенттің айтуынша, Күншығыс елі ұзақ жылдар бойы қазақстандықтарды тәртібімен, табандылығымен және еңбекқорлығымен шабыттандырып келеді. Ол Қазақстан мен Жапонияны өзара құрметке және әртүрлі салалардағы нәтижелі ынтымақтастыққа негізделген берік достық байланыстар біріктіретінін атап өтті.
Екіжақты қатынастардың жаңа кезеңі
Өз кезегінде император Нарухито Қасым-Жомарт Тоқаевтың сапары Жапония мен Қазақстан арасындағы қарым-қатынастар шежіресіндегі маңызды оқиғаға айналып, екі елдің серіктестігін сапалық жаңа деңгейге көтеретініне сенім білдірді.
Кездесу барысында Мемлекет басшысы Қасым-Жомарт Тоқаев пен император Нарухито екіжақты ынтымақтастық мәселелері мен халықаралық күн тәртібіндегі өзекті тақырыптар бойынша пікір алмасты.
