Токаев Қырғызстан президентін туған күнімен құттықтады
Қазақстан президенті Қасым-Жомарт Тоқаев Қырғызстан президентімен телефон арқылы сөйлесіп, оны туған күнімен құттықтады, деп хабарлайды dailykz Ақордаға сілтеме жасап.
Президенттің баспасөз қызметінің мәліметінше, екі ел басшылары екіжақты қарым-қатынастың дәстүрлі түрде жоғары қарқынын атап өтіп, қол жеткізілген келісімдердің орындалу барысын талқылады. Атап айтқанда, бұл Қасым-Жомарт Тоқаевтың биылғы жылғы 21-22 тамызда Қырғызстанға ресми сапары аясында жүзеге асырылған келісімдер.
Сөйлесу барысында Қасым-Жомарт Тоқаев Садыр Жапаровты туған күнімен құттықтап, оған бауырлас қырғыз халқына қызмет етуде одан әрі табыс тілегенін жеткізді.
Мемлекет басшысы екі ел арасындағы көпқырлы ынтымақтастықты достық, көршілік және өзара қолдау рухында дамытуға Қырғызстан президентінің жеке қосқан үлесін жоғары бағалайтынын атап өтті.
