Тоқаев: Екі таңбалы инфляция қабылданбайды
Қазақстан Президенті Қасым-Жомарт Тоқаев үкімет алдында сапалы экономикалық өсімді қамтамасыз ету міндеті әлі де өзекті екенін мәлімдеді деп хабарлайды dailykz.
«Соңғы жылдары біз барлық айқын бәсекелестік артықшылықтарымызды толық ашуға, экономикалық өсімнің жаңа нүктелерін құруға, инвестиция тартуға және кәсіпкерлік бастамаларды ынталандыруға бағыт алдық.
Үкімет алдында әлі де сапалы экономикалық өсімді қамтамасыз ету міндеті тұр.
Менің Жолдауымда ашық айтылғандай, екі таңбалы инфляцияға жол берілмейді. Инфляция азаматтардың әл-ауқатын арттыруға бағытталған барлық шешімдеріміз бен іс-қимылдарымызды жоққа шығарады. Мұнда қатаң, тіпті ең қатаң бюджет тәртібі қажет. Қаржы тек басымдыққа ие жобалар мен бағдарламаларға жұмсалуы тиіс, олар ЖІӨ-нің өсуіне, Қазақстанның әлемдік аренадағы позициясын нығайтуға ықпал етеді. Толық шешілмеген мәселе – бұл ауыл шаруашылығы өнімдері мен азаматтардың күнделікті рациондық тауарларымен өзін-өзі қамтамасыз ету.
Біз тым көп импорттаймыз, бұл көзбен көрінетін нәрсе. Кейбір тауарлар бойынша шетелдік өнімге қатты тәуелдіміз. Қазақстан үшін бұл қабылданбайды, әсіресе ауыл шаруашылығына биыл мемлекеттік қолдаудың рекордтық 1 трлн теңге бөлінгенін ескерсек, ал оның өнімдерінің жалпы құны 2024 жылғы қорытындылар бойынша 8,5 трлн теңгені құрайды», – деді Президент.
Естеріңізге сала кетейік, кеше Ұлттық банк валюта нарығына қатысты мәлімдеме жасап, елде теңге бағамының тұрақты нығаюы байқалып, доллар бойынша 499-500 теңге деңгейіне жеткенін хабарлады.
Бұған дейін Ұлттық банк НДС 16%-ға көтерілгеннен кейін қазақстандықтар неге дайын болу керектігін түсіндірген болатын.
