«Тарихты бірге жазайық»: Әлімханұлы қазақстандық жанкүйерлерге үндеу жолдады — жаңартылған нұсқа
WBO және IBF нұсқалары бойынша орта салмақтағы әлем чемпионы Жәнібек Әлімханұлы алдағы үлкен жекпе-жек алдында қазақстандық жанкүйерлерге арнайы үндеу жасады. Бұл туралы dailykz хабарлайды.
6 желтоқсанда АҚШ-тың Сан-Антонио қаласында Жәнібек Әлімханұлы (IBF және WBO белбеулері) мен WBA чемпионы Эрисланди Лара арасындағы үш чемпиондық атақ сарапқа салынатын аса маңызды кездесу өтеді.
Жекпе-жекке дайындық барысында Жәнібек жанкүйерлерге Instagram арқылы жүгініп, трибунаға Қазақстанның көк туын алып келуге шақырды.
Боксшының сөзі былай деп беріледі:
«АҚШ-тағы, әсіресе Техастағы отандастар! Жекпе-жекке келгенде көк туымызды алып келіңіздер. Техасқа біздің көп екенімізді көрсетейік, бірге қолдау білдірейік. Кеттік, тарихты бірге жазайық!»
30 қазанда орта салмақтағы біріктіру жекпе-жегі ресми түрде жарияланған болатын. Рингке Қазақстанның IBF және WBO чемпиондық белбеулері мен кубалық Эрисланди Лараның WBA титулы шығарылады.
Жәнібек Әлімханұлының жанкүйерлерге жолдауы — ел спорты үшін тарихи сәттің жақындап келе жатқанын айқын көрсетеді.
