Skoda Қазақстанда толық жетекті Octavia сатылымын бастады: бағасы белгілі
2025 жылғы 8 желтоқсанда Қазақстанда Skoda Octavia автокөлігінің екі литрлік қозғалтқышы мен толық жетекті жүйесі бар жаңартылған нұсқасының ресми сатылымы басталды, деп хабарлайды компания.
Еске салайық, жаңартылған Octavia FL отандық нарықта 2025 жылғы шілдеде таныстырылған. Қостанайдағы Allur зауытында 1.4 TSI қозғалтқышы мен алдыңғы жетекті модификация өндірілуде, қуаты 150 ат күшін құрайды.
Қазақстандағы ресми чех бренді дистрибьюторы Prague Auto компаниясының хабарлауынша, толық жетекті Octavia мынадай ерекшеліктерге ие:
- 204 ат күші бар 2.0 TSI DNNE төрт цилиндрлі қозғалтқыш;
- 7 сатылы DSG DQ381 роботталған трансмиссия;
- Haldex автоматты қосылатын толық жетек;
- Аралас циклде орташа жанармай шығыны – 7,1 л/100 км;
- 1500–4400 айн./мин аралығында 320 Нм максималды айналу моменті;
- 0-100 км/сағ жылдамдыққа 6,6 секундта жетеді.
Жаңартылған Skoda Octavia әртүрлі конфигурацияларда LED матрицалық фаралар, былғары орындық қаптамасы, цифрлық аспап тақтасы, 13” экранды мультимедиалық жүйе, 8 динамик акустикалық жүйе, Climatronic климат бақылауы, SmartLink жүйесі, Head-up проекциялық дисплей, алдыңғы орындықтарды электрлік реттеу және есте сақтау функциясы, орындық жастық тереңдігін реттеу, желдету және массаж функциясы, багаж қақпағын электрлік ашу және виртуалды педаль, сондай-ақ 10-ға дейін ауа жастықтары және толық қысқы пакетпен жабдықталған.
Автокөліктің белсенді және пассивті қауіпсіздік деңгейі әлемдік ең жоғары стандарттарға сәйкес келеді. Euro NCAP сынақтарында Octavia максималды бағасын – «5 жұлдыз» алды.
«Толық жетекті Skoda Octavia өндірісі мен сатылымының басталуы брендтің еліміздегі дамуы үшін маңызды кезең болып табылады. 4×4 модификациясы ресми түрде Еуразиялық экономикалық одақ елдерінің нарығында алғаш рет ұсынылды», — деп атап өтті Қазақстандағы Skoda дистрибуциясының басшысы Андрей Тананыкин.
Octavia 4×4 Selection және SportLine конфигурацияларында ұсынылған, бағасы – 19 790 000 теңге.
«2.0 TSI қозғалтқышы мен толық жетегі бар Octavia — қалалық және қала сыртындағы пайдалануға ыңғайлы автокөлік. Сонымен қатар, бұл нұсқада спорттық потенциал бар, оны бренд фанаттары әлемнің түрлі аймақтарында бағалайды. Өндіріс Қазақстанда локализацияланғандықтан, баға тартымды әрі автомобильдің қуаттылығы мен еуропалық инженерлік тәсілге сәйкес келеді», — деді автонарықты мониторинг және талдау агенттігінің бас директоры Артур Мискарян.
Қазақстанда бұл модельге 3 жыл немесе 100 000 км (қайсысы бұрын болса) зауыттық кепілдік беріледі, алғашқы 2 жыл пробег шектеусіз.
