Семей қаласының жаңа орынбасары тағайындалды
Семей қаласының әкімі орынбасары лауазымына Бахтияр Топаев тағайындалды. Бұған дейін ол Семейдегі тұрғын үй-коммуналдық шаруашылық бөлімін басқарған, ал одан бұрын Алматы мен Астанада әртүрлі қызметтер атқарған. Бұл туралы dailykz хабарлады.
Акимат сайтындағы мәліметке сәйкес, Бахтияр Топаев 1983 жылы Ақмола облысында дүниеге келген. 2007 жылы ол Қарағанды мемлекеттік техникалық университетін «Стандартизация және сертификаттау» мамандығы бойынша тәмамдаса, 2016 жылы Ш. Уәлиханов атындағы Көкшетау мемлекеттік университетін «Құқықтану» мамандығы бойынша аяқтаған.
Еңбек жолын 2008 жылы Астана қаласының Сарыарқа ауданы әкімдігі аппаратының есеп техникасы қызметінде бастаған. 2010-2012 жылдары ол әуелі абаттандыру бөлімінің бастығының орынбасары, кейін бөлім бастығы қызметін атқарған. 2013-2017 жылдары абаттандыру және санитарлық тазалық жұмыстарын үйлестіретін бөлімнің басшысы болған. 2017-2019 жылдары Сарыарқа ауданы әкімдігі аппаратының абаттандыру және қоғамдық кеңістіктерді дамыту бөлімін басқарған. 2019-2020 жылдары аудан әкімінің басты инспекторы лауазымында қызмет атқарған.
2020 жылдың қазанынан 2025 жылдың мамырына дейін Алматы ауданы әкімдігі аппаратының абаттандыру бөлімін басқарған. Ал 2025 жылдың мамырынан бастап тағайындалғанға дейін Семей қаласының тұрғын үй-коммуналдық шаруашылық бөлімін басқарған.
