Месси әлемдік рекорд орнатып, "Интер Майамиге" кубок әперді және MLS финалына шығарды » DailyKaz
Новости Спорта

Месси әлемдік рекорд орнатып, “Интер Майамиге” кубок әперді және MLS финалына шығарды

“Интер Майами” футболшылары Major League Soccer (MLS) плей-оффы аясында “Нью-Йорк Ситиден” ірі есеппен басым түсті, деп хабарлайды dailykz тілшісі.

Кездесу Шығыс конференциясының финалында өтті. Матч “Чейз Стэдиум” аренасында ұйымдастырылып, алаң иелерінің 5:1 есебімен сенімді жеңісімен аяқталды.

Аргентиналық шабуылшы Тадео Альенде хет-трик авторы атанды (14, 23, 89 минуттар). Оған отандасы Матео Сильветти (67) мен венесуэлалық жартылай қорғаушы Веласко Сеговия (82) қосылды. Қонақтардың жалғыз голын америкалық хавбек Джастин Хак соқты (37).

Испаниялық қорғаушы Жорди Альба екі нәтижелі пас берсе, тағы бір ассист италиялық жартылай қорғаушы Янник Брайтқа тиесілі. Ал аргентиналық жұлдыз Лионель Месси де бір голдық паспен көзге түсті және бұл оның мансабындағы тарихи белес болды: ол 405 нәтижелі пастың авторы атанып, әлемдік рекорд орнатты. Осылайша, Месси венгр аңызы Ференц Пушкашты артта қалдырып, футбол тарихындағы ең үздік ассистентке айналды.

Бұл жеңіс “Интер Майамиге” Шығыс конференциясының чемпионы атану мүмкіндігін берді. Марапаттау рәсіміне әлемнің бірінші ракеткасы, испан теннисшісі Карлос Алькарас та қатысты.

Енді маусымның басты трофейі гранд-финалда анықталады. “Интер Майами” шешуші ойында канадалық “Ванкувер Уайткэпспен” кездеседі. АҚШ пен Канада клубтары арасындағы финал 7 желтоқсанда, Қазақстан уақытымен 00:30-да басталады.

Related Articles

Back to top button