«Копенгаген» Чемпиондар лигасы матчында «Қайрат» жанкүйерлеріне ерекше сый жасады

Данияның «Копенгаген» футбол клубы Чемпиондар лигасының матчына келе жатқан «Қайрат» жанкүйерлерін жылы қарсы алып, оларға тосынсый жасады, деп жазады dailykz алматылық команданың Instagram парақшасына сілтеме жасай отырып.

Чемпиондар лигасының жалпы кезеңіндегі бесінші тур ойыны Дания астанасында өтті. Қонақ команданың секторында ондаған жанкүйер жиналды, олардың бір бөлігі Алматыдан арнайы келген болатын.

Матч ұйымдастырушылары оңтүстік астанадан ұшып келген он жанкүйерді алаңға шақырып, ерекше құрмет көрсетті. Олар «Қайраттың» жалауларын ұстап, ойын басталар алдында стадион «Паркеннің» көгіне шықты. Клуб өкілдері қонақтарға естелік сыйлықтар табыстады.

«Туған командаңды қолдау үшін 5000 шақырым жол жүру — үлкен құрмет пен жанкүйерліктің ең жарқын үлгісі. Алматыдан осындай қашықтықты еңсеріп келген «Қайраттың» он жанкүйерін атап өткіміз келеді. Футбол жанкүйерлерсіз ешқашан бүгінгі деңгейіне жетпес еді», — деп мәлімдеді «Копенгаген» клубы.

Тақырыпқа қатысты жаңалық:
Алматы полицейлері «Қайрат» ойынына байланысты Данияға жасаған сапарының себебін түсіндірді.

Алматылық клуб өкілдері жарияланым астында пікір қалдырып, дат командасына жылы шыраймен қарсы алғаны үшін алғыс айтты.