Kolesa.kz: Қазақстандағы жаңа авто бойынша сұраныстың ТОП-10 моделі
Астанада Kolesa.kz конференциясы өтті, онда «Жаңа авто» бөліміндегі жаңартулар таныстырылып, 2025 жылы сатып алушылар ең көп іздеген автомобиль модельдері көрсетілді. Қатысушылар нарықтағы қазіргі жағдайды талқылады, автокөліктерді жылжыту мәселелері бойынша сұрақтар қойды және авто брендтер мен модельдерге сұраныс аналитикасын зерттеді, деп хабарлайды компания.
«Жаңа Авто» – Қазақстандағы толық каталог
Kolesa.kz 2021 жылдан бастап «Жаңа Авто» бөлімін дамытып келеді. Бұл бөлім автосалондардан авто сатып алушылар үшін негізгі кіріс нүктесіне айналды. Соңғы 4 жыл ішінде Қазақстандағы автосалондардың 90%-ы бөлімге қосылды, ал айына 4 мыңнан астам хабарландыру жарияланады.
Бөлім дилерлердің ұсыныстарын біріктіріп, комплектацияларды салыстыруға, фото- және видеоматериалдар көруге және 40 мыңнан астам автоға пікірлермен танысуға мүмкіндік береді.
Күн сайын бөлімге шамамен 1 млн адам кіреді, олар жаңа авто іздейді. «Жаңа авто сатып алу жолы көбіне Kolesa.kz сайтынан басталады: пайдаланушылар алдымен ескі автокөлікті сатады, содан кейін жаңа авто таңдауға көшеді. «Жаңа Авто» бөлімі адамдарға әртүрлі бюджет пен талғамға сәйкес автокөлікті жылдамырақ табуға көмектеседі», – дейді Kolesa Group коммерциялық директоры Наталья Сочивко.
Жаңалықтар: лид-модель және «жылулық карталары»
Kolesa.kz лид-модельді таныстырды – бұл сұраныстармен жұмыс істеудің жаңа тәсілі. Енді дилерлер тек сатып алушылардан түскен қоңыраулар мен хабарламалар үшін төлейді. Бұл формат дилерлер мен сатып алушылар арасындағы өзара әрекетті жеңілдетеді.
«Пайдаланушылардың кері байланысы өнімді жақсартуға көмектеседі. Командамыз Қазақстанның әртүрлі қалаларына барып, бөлімнің жұмысын дилерлермен және сатып алушылармен талқылайды. Міне, осылай лид-модель жобасы пайда болды», – дейді «Жаңа авто» бөлімінің жетекшісі Ербол Шомбинов.
Аналитика: 2025 жылдың 9 айына сұраныс бойынша ТОП-10 авто
Kolesa.kz сатып алушылардың сұранысына қатысты аналитикасын жариялады. Рейтингке ең көп ізделетін және қоңыраулар жасалған модельдер кірді:
- Changan X5 Plus – рейтингтің бірінші орны;
- Chevrolet Monza;
- Chevrolet Cobalt;
- Changan CS55 Plus;
- BYD Destroyer 05;
Еске сала кетейік, алғаш рет ТОП-10-ға қытайлық модельдер енді – Changan X5 Plus сұраныс бойынша көшбасшы болды.
Гибридті автокөліктерге деген қызығушылық артты: хабарландырулар саны 2024 жылмен салыстырғанда 105%-ға өсті, қоңыраулар мен хабарламалар саны – 133%-ға көбейді, ал гибридтер үлесі бөлімде 18,3%-ды құрады.
