Канаданың ең сұлу теннисшісі яхтада леопард өрнекті бикинимен көз тартты
Канадалық танымал теннисші Эжени Бушар жанкүйерлерін жаңа фотосессиясымен қуантты. Спортшы яхта палубасында демалып жүріп, леопард өрнекті бикинимен түскен суреттерін жариялады, деп хабарлайды dailykz.
Демалыстан жарияланған кадрларға Бушар «Әрқашан жақсы идея» деген қысқа ғана жазба қалдырған. Жаңа фотоларда ол яхтаның палубасында әсем қимылмен поза ұстап, сымбатын айқын көрсеткен.
Жанкүйерлер спортшының суреттерін жылы қабылдап, пікірлерін аямады.
«Қарапайым әрі әдемі», «Сексуалды әрі тартымды Эжени!», «Australian Open-ге қайта орал, біз сені сағындық!», «Оның қаншалықты ыстық екенін өзі біле ме?», «Нағыз су перісі», – деп жазды оқырмандар.
БАҚ деректеріне сүйенсек, Эжени Бушар 1994 жылдың ақпан айында Монреаль қаласында банкир Мишель Бушардың отбасында дүниеге келген. Оның Беатрис есімді егіз әпкесі бар.
Элиталық қыздарға арналған Вестмаунттағы жекеменшік мектепке бармас бұрын, Бушар теннис ойнауды ерте меңгерген. Ол алғашқы турниріне небәрі 8 жасында қатысқан. Кейінірек британдық теннисші Лаура Робсонмен танысып, анасының кеңесімен АҚШ-тың Флорида штатына қоныс аударып, Лодердейлдегі теннис академиясында жаттыға бастады.
