“Интердің” қазақша жазған посты Анарбековке арналды: италиялық клуб қазақстандық жанкүйерлерді пікірлерге “шақырып алды”

Миланның атақты “Интер” клубы алматылық “Қайратқа” қарсы өткен матчтан кейін жаңа жарияланым жасап, қазақстандық жанкүйерлердің ерекше назарын аудартты, деп хабарлайды dailykz.

Клубтың Instagram-парақшасында Чемпиондар лигасы аясында өткен “Милан” – “Қайрат” матчындағы Темірлан Анарбековтің керемет сейві жарияланды.

Посттың сипаттамасы да қазақ тілінде берілді:
“Екі керемет сейв жасады. Басқа да контентті жіберіп алмау үшін жазылыңыздар”, – деп жазылған видеода.

Еске салайық, Миланда өткен кездесу 2:1 есебімен алаң иелерінің пайдасына аяқталды. Гүл соққандар — Лаутаро Мартинес, Карлос Аугусто және Офри Арад.

Сонымен бірге, “Интер” мен “Қайрат” арасындағы Чемпиондар лигасы матчы қазақстандық командалар қатысқан барлық еурокубок ойындарының ішінде ең көп жанкүйер жинаған матч болғаны да белгілі болды.

Осыдан кейін италиялық клуб тағы да қазақ тіліндегі жазбамен бөлісті.
Жарияланым қазақстандық аудитория арасында үлкен қызығушылық тудырды. Көпшілік оның тек Қазақстан қолданушыларына көрінетінін Instagram-ның жаңа алгоритмдерімен байланыстырды.

Пікір қалдырғандар былай деп жазуда:
«Бауырсақ пен пицца – туыс»,
«Интер Анарбековке көз салып жүр ме?»,
«Рахмет, Интер»,
«Біздің есебімізден олар активтілік жинап жатыр»,
«Бұл пост тек Қазақстанда көрінеді».