Двалишвили Петром Янмен трилогия өткізуді қалайтынын айтты
Грузин спортшы, аралас жекпе-жектер (ММА) шебері Мераб Двалишвили ресейлік Петр Янмен үшінші кездесуді өткізгісі келетінін жеткізді, деп хабарлайды dailykz UFC Eurasia-ға сілтеме жасап.
Спортшылар UFC 323 турнирінде кездескен. Бес раундтың қорытындысы бойынша Ян төрешілердің бірауыздан шешімімен жеңіске жетіп, жеңіл салмақтағы чемпиондық белбеуін қайтарып алды. Ал 2023 жылдың наурыз айында өткен алғашқы жекпе-жектерінде Двалишвили дәл осылай жеңіске жеткен еді.
Двалишвили октагонда былай деді:
“Мен көрермендерге қызықты, тартымды жекпе-жек көрсеткім келді, бірақ бүгін жеңілдік бердім. Бүгін Петр мықтырақ болды. Оны құттықтаймын! Бірақ мен реванш жасағым келеді, тағы да оған қарсылас болғым келеді. Мен әрдайым жеңіл салмаққа келуім қиын, өйткені өз жолыммен жасаймын, бұл процесті клубымның мүшелеріне немесе диетологтарға сеніп тапсыратын емеспін. Бірақ ешқандай сылтау іздемеймін. Мен тек көрермендерге тартымды жекпе-жек көрсетуге тырыстым”.
Грузин спортшысы өз командасына және UFC басшысына ризашылығын білдірді:
“Дана Уайттың қанағаттанғанына қуаныштымын — бұл мен үшін ең маңыздысы. Ол маған UFC-де мүмкіндік берді, мен осы компания үшін әлі де мықты спортшымын деп ойлаймын, сондықтан бақыттымын. Әрине, бұл спорт, бірақ біздің басты мақсатымыз — адамдарды қуанта білу. Мен тек Петрмен күресіп, ұсақ, қызықсыз жекпе-жек көрсеткім келмеді. Онымен шын мәнінде айқасқым келді, және бүгін ол мықты болды” — деді Двалишвили.
Октагонда Ян қарсылас командасына құрмет көрсетіп, өз штабына, жанкүйерлеріне және отбасына алғысын білдірді:
“Мен чемпиондық белбеумен осында болғаныма өте қуаныштымын! Ұзақ уақыт дайындалып, еңбектендім. Бүгінгі күн мен үшін — өмірім”, — деді Ян.
Турнирден кейінгі баспасөз конференциясында ресейлік спортшыдан Двалишвилимен трилогия өткізу мүмкіндігі сұралды. Жаңа чемпион өз кезегінде келесі жекпе-жекті кіммен өткізетіні оған маңызды еместігін айтты. Ян UFC жоспарларына сүйене отырып шешім қабылдауға ниетті.
