Бокс аңызы Костя Цзю Головкиннің World Boxing ұйымына президент болып тағайындалуына пікір білдірді
Әлемге танылған ресейлік боксшы Костя Цзю қазақстандық Геннадий Головкиннің World Boxing ұйымының президенті қызметіне тағайындалуына қатысты өз ойын айтты, деп хабарлайды dailykz «Советский спорт» басылымына сілтеме жасап.
Костя Цзюдің айтуынша, Головкин бұл лауазымға толық лайық.
Ол өз сөзінде:
*«Ол спортқа жан-тәнімен берілді және бұл қызметті әбден заслуживает. Генаны өте жақсы білемін, оның қолынан келеді деп ойлаймын! Спортшы болып, кейін осындай жоғары қызметті атқару — бұл үлкен артықшылық. Жеке тәжірибе проблемаларды сапалы шешуге мүмкіндік береді. Головкиннің тағайындалуы — дұрыс шешім.
Жаңа қызметінде бокстай жүз пайыз еңбек ете ме — ол басқа мәселе. Бірақ оған сәттілік тілеймін»*, — деді бокс аңызы.
Кеше Рим қаласында өткен World Boxing конгресінде Геннадий Головкин ресми түрде ұйым президенті болып бекітілді.
Ресми рәсім аяқталғаннан кейін GGG конгресс қатысушыларына арнап сөз сөйлеп, кейін бұл тағайындауға қатысты пікірін әлеуметтік желіде де жариялады.
