«Біздің нарыққа қызығушылық артады»: Уразбахтин Сәтбаевтың трансфері туралы пікір білдірді
Алматының «Қайрат» футбол клубының бас бапкері Рафаэль Уразбахтин Азия ойыншыларына деген қызығушылықтың артып келе жатқанын айтты. Оның сөзінше, енді еуропалық топ-клубтар аймақтық нарыққа белсендірек назар аударады, деп хабарлайды dailykz.
Бас бапкер «Қайрат» клубының ойыншыларына, соның ішінде Дастан Сәтбаевқа деген қызығушылықтың өсе түскенін атап өтті.
«Біздің нарыққа енді белсенді түрде қарай бастайды. Өзбекстанда Хусановты “Манчестер Сити” сатып алды, ал біздің Дастан Сәтбаев жақын уақытта “Челсиге” барады. Олардың бас скауты арнайы келіп, қазір топ-клубтар Азия нарығына көбірек мән беретінін айтты.
Бұл — жас футболшыларымыз үшін үлкен мүмкіндік. Сонымен қатар, олар ойыншыларды ұзақ мерзімге қарайтынын, бірнеше жыл бойы бақылап, дамуын қадағалайтынын да жеткізді», — деді Уразбахтин.
Айта кетейік, жуырда 2025 жылғы Қазақстан чемпионатының қорытындысы бойынша KFF League Awards сыйлығының лауреаттары анықталған болатын. Аталған марапатта бас жекелей жүлде Дастан Сәтбаевқа бұйырды.
«Біздің нарыққа қызығушылық артады»: Уразбахтин Сәтбаевтың трансфері туралы пікір білдірді.
