Англия құрамасының шабуылшысы барда баспен ұрғаны үшін ұсталды
Англия құрамасының шабуылшысы Айван Тони Лондонда барда келушінің басына соққы жасағаны үшін полиция тарапынан ұсталды. Бұл туралы dailykz Sport24-ке сілтеме жасап хабарлайды.
Оқиға қалай болды?
Британдық БАҚ мәліметіне сәйкес, зардап шеккен адам футболшымен селфи жасамақ болып, оның мойнынан ұстап алған. Сол сәтте 29 жастағы шабуылшы қарсыласына басымен соққы жасаған.
Куәгерлердің айтуынша, соққыдан кейін зардап шегушінің мұрнынан қан шыққан.
Зардап шеккенге көмек көрсетілді
Ер адамға бет сүйектерінің жарақаты, соның ішінде мұрын сынуы және саусақ сынуы себепті медициналық көмек көрсетілген.
Полиция әрекеті
Лондон полициясы футболшының ұсталғанын хабарлады, бірақ ол кепілдікке босатылды. Айван Тони қылмыс орнында ұсталған.
Полиция мәліметіне сәйкес, шабуылшы екі рет шабуыл жасаған және бір рет хулигандық әрекет жасаған деп күдіктелуде. Қазіргі уақытта тергеу жұмыстары жалғасуда.
