Алимханұлының допинг дауы: жаңа мәліметтер жарияланды
Қазақстандық чемпион Жәнібек Әлімханұлына қатысты допинг-скандал төңірегінде жаңа деректер белгілі болды. Америкалық Combat Sports Insider басылымы X желісінде қосымша ақпарат жариялады, деп хабарлайды dailykz.
Мельдоний анықталғаны ресми расталды
Басылым бұған дейін тараған мәліметті қуаттап, Жәнібек Әлімханұлы тапсырған допинг-сынамадан мельдоний табылғанын мәлімдеді.
Алайда маңызды бір nuance анықталды: сынаманы VADA (Voluntary Anti-Doping Association) жүргізген, ал бұл ұйым WADA-ға жатпайды.
VADA – ресми WADA құрылымы емес
Combat Sports Insider атап өткендей,
«WADA VADA ұйымын ресми тест жүргізуші орган ретінде мойындамайды, себебі VADA WADA кодексінің мүшесі емес».
Sports.kz бұл ақпаратты нақтылап, VADA WADA Code құжатына қол қоймағандықтан, оның жүргізген тесттері халықаралық деңгейде заңды күшке ие болмайтынын жазады. Яғни оң нәтиже анықталғанымен, бұл автоматты түрде дисквалификация немесе титулдардың алынуы дегенді білдірмейді.
Ол үшін ресми антидопингтік процедуралардан қайта өту қажет.
Соған қарамастан WBO тергеуді бастады
Бұған дейін WBO бұл жағдай бойынша ішкі тергеу жүргізіліп жатқанын хабарлаған еді.
«Боксшы мен оның командасына түсініктеме беру талабы бойынша ресми құжат жіберіледі. Бұл барлық құқықтық рәсімдерді толық орындауға және қажетті ақпарат жинауға мүмкіндік береді», — деп атап өткен болатын ұйым.
Әлімханұлы: «Бірінші тест таза болды»
Жәнібектің өзі тараған жаңалықтарға таңқалғанын айтады.
«VADA алғашқы тестті өткізді және бәрі таза екенін айтты. Витамин қабылдау режимімде еш өзгеріс болған жоқ. Екінші тесттегі жағдайға түсінбей отырмын, сондықтан оның қайта тексерілуін талап еттім», — деді чемпион.
Кейбір дереккөздер: жекпе-жек тоқтатылуы мүмкін
Бірқатар шетелдік медиа алдағы үш белбеу үшін жоспарланған жекпе-жектің тоқтатылғанын хабарлап жатыр.
Алайда бұл ақпарат әзірге ресми түрде расталған жоқ.
