Абудабидегі Grand Slam 2025: қазақстандық дзюдошылардың табандылығы мен қола медалі

Қазақстан спортшылары Абудабидегі Grand Slam 2025 турнирінде нағыз мінез көрсетіп, қуанта білді. Ауқымды жарысқа 14 қазақстандық дзюдошы қатысып, өз шеберліктерін жоғары деңгейде танытты, деп хабарлайды dailykz.

Grand Slam – дзюдо әлеміндегі ең беделді жарыстардың бірі. 28–30 қараша аралығында өткен бұл турнирге 52 елден 370-тен аса спортшы келді. Олардың қатарында олимпиада чемпиондары мен IJF рейтингінің көшбасшылары да болды. Поединктер ерлер мен әйелдер арасында 14 салмақ дәрежесінде өтті.

Қазақстандық дзюдошылар 11 ерлер және 3 әйелдер салмақ дәрежесінде бақ сынап, барлығы 14 спортшы ел намысын қорғады.

Турнирдің алғашқы күні

Алғашқы күні татамиде 6 қазақстандық спортшы өнер көрсетті. Жоғары деңгейдегі бәсекелестік әр қатысушыдан ерекше табандылықты талап етті.