«Шабуыл әрекеті»: Қазақстан дрон шабуылынан кейін Украинаға наразылық білдірді
Қазақстан Сыртқы істер министрлігінің ресми өкілі Айбек Смадияров Каспий құбыр консорциумы (КҚК) нысанына жасалған шабуылға байланысты пікір білдірді, деп хабарлайды dailykz.
Қазақстан СІМ осы оқиғаға байланысты «Новороссийск теңіз портының акваториясындағы халықаралық Каспий құбыр консорциумы критикалық инфрақұрылымына бағытталған кезекті мақсатты шабуылға» наразылық білдіргенін мәлімдеді.
«Осы оқиға – тек азаматтық нысанға қарсы жасалған үшінші агрессиялық әрекет болып табылады. Оның жұмысы халықаралық құқық нормалары бойынша қорғалған. Қазақстан жаһандық энергетикалық нарықтағы жауапты қатысушы ретінде энергетикалық ресурстардың тұрақтылығы мен үздіксіз жеткізілуін қамтамасыз етуге әрдайым қолдау көрсетеді.
КҚК әлемдік энергетикалық жүйенің тұрақтылығын қолдауда маңызды рөл атқаратынын ерекше атап өтеміз. Біз бұл жағдайды Қазақстан мен Украина арасындағы екіжақты қатынастарға зиян келтіретін әрекет деп бағалаймыз және украиналық тараптан осындай оқиғалардың болдырмауы үшін нақты шаралар қабылдауын күтеміз», – делінген министрліктің хабарламасында.
Еске сала кетейік, кеше дронсыз кемелердің шабуылынан КҚК теңіз терминалының акваториясында ВПУ-2 сыртқы кеме бекеті айтарлықтай зақымданды. КҚК хабарлағандай, оқиғадан кейін тиеу және басқа да операциялар тоқтатылып, танкерлер КҚК акваториясынан шығарылды. Жараланғандар жоқ.
ВПУ жарылған сәтте апатты қорғау жүйелері тиісті құбырларды автоматты түрде тоқтатты. Құрылғыны әрі қарай пайдалану мүмкін емес.
Осы оқиғадан кейін Қазақстан Энергетика министрлігі теңіз терминалындағы жағдайға байланысты түсініктеме берді.
