Олимпиада жүлдегері және әлемдегі ең көрікті спортшылардың бірі жол апатына түсті

Танымал нидерландтық конькишi Ютта Лердам жол-көлік оқиғасына тап болғанын ресми TikTok-парақшасында хабарлады, деп жазады dailykz. Спортшының айтуынша, апатқа көлікті жүргізу кезінде телефонға алаңдаған жүргізуші себеп болған.

26 жастағы Лердам қысқа видеода қолы мен бетіндегі жарақаттарын көрсетіп, былай деп жазды:
“Кішкентай ақымақ телефонына үңіліп, мені жолдан шығарып жіберген жүргізушіге…”

Спортшы қарсы бағытта келе жатқан, алайда жүргізуші қарсы жолаққа шығып кетіп, соқтығыс жағдайын тудырғанын түсіндірді.

Оның айтуынша, жағдайдың ауырлап кетпеуі — өз күштілігінің арқасы:
“Ол жолы болды, мен мықты болып шықтым”, — деп жазды Лердам. Ол жазылушыларға өз жағдайының жақсы екенін де жеткізді.

Кейінірек нидерландтық спортшы Instagram-stories бөлiмінде жаттығудан түскен суретін жариялады. Фотода иегіндегі пластырь көрінеді, алайда Ютта “жарқырай беретінін” атап өтті.

Ютта Лердам – әлемдік спорттағы ең танымал конькишілердің бірі

26 жастағы спортшының танымалдығы өте жоғары:

• Instagram-де — 4,8 млн оқырман,
• TikTok-та — 1,8 млн жазылушы.

Ютта америкалық блогер әрі кәсіби боксшы Джейк Полмен қарым-қатынаста. Биыл наурызда жұп ресми түрде сүйіспеншіліктерін бекітіп, беташар жасады.

Спорттық жетістіктері

Лердам — халықаралық аренаның жұлдызы:

• 2022 жылғы Бейжің Олимпиадасында 1000 метр қашықтықта күміс медаль иеленген.
• Әлем чемпионаттарында жалпы 13 медаль жеңген:
  • 7 алтын,
  • 2 күміс,
  • 4 қола.

Жол апатына қарамастан, Ютта Лердам спорттық қалпын сақтап, жаттығуын жалғастыруда. Оның жанкүйерлері спортшының тез сауығып кетуін тілеп жатыр.