17 жастағы Дастан Сатпаев Қазақстан құрамасы үшін алғашқы голын соғып, тарихи рекорд орнатты
Қазақстан ұлттық құрамасының шабуылшысы Дастан Сатпаев әлем чемпионатының іріктеу матчы барысында өзінің дебюттік голын соғып, жаңа рекорд орнатты, деп хабарлайды dailykz тілшісі.
Тарихи гол қалай соғылды?
Матчтың небәрі тоғызыншы минутында Бельгия қорғанысының қателігін пайдаланып, Сатпаев допты іліп әкетті. Дриблингпен айып алаңына кіріп, сол аяғымен қақпаға дәл соққы жасады. Рикошеттен кейін топ бельгиялық қақпашының төменгі жақын бұрышына дәл түсті.
Бұл соққы Сатпаевтың ұлттық құрамадағы алғашқы голы болды. Бұған дейін ол Қазақстан сапында бес ойын өткізген еді.
Жаңа рекорд
Дастан Сатпаев Қазақстан құрамасы тарихында гол соққан ең жас футболшы атанды — бар болғаны 17 жасында.
Бұған дейін рекорд Еркебұлан Сейдахметке тиесілі еді. Ол алғаш голын 18 жасында соққан болатын.
Сатпаевтың клубтық жетістіктері
Айта кетейік, қараша айында Сатпаев — алматылық “Қайрат” футболшысы — Қазақстандағы ең қымбат ойыншы атанған болатын. Бұл оның қарқынды дамып келе жатқан талант екенін тағы бір мәрте дәлелдейді.
Дастан Сатпаевтың тарихи голы қазақ футболының жаңа белесін айқындады.
