Қазақстанда жалақы өсімі тек “қағаз жүзінде”
2025 жылдың үшінші тоқсанында Қазақстандағы орташа жалақы 429 368 теңге болды. Бұл өткен жылға қарағанда 10%-ға жоғары. Алайда, нақты өмірде бұл өсімді инфляция толықтай жойып жіберді. Толығырақ – dailykz.
Номиналды жалақы vs нақты жалақы
Сарапшылардың мәліметінше, 2025 жылдың үшінші тоқсанында Қазақстандағы орташа номиналды жалақы 429 368 теңге болды. Бұл көрсеткіш үш ай бұрынғыдан 4,3%-ға төмен, бірақ өткен жылға қарағанда 10%-ға жоғары.
Алайда бұл өсім тек қағаз жүзінде ғана көрінеді. Себебі ол инфляцияны есепке алмайды. Ұлттық статистика бюросының деректері бойынша, нақты жалақы, яғни тауар мен қызмет бағалары өзгерісін есепке алғанда, теріс мән көрсетті: тоқсанда – минус 6,7%, ал жылдық есепте – минус 2%.
Яғни, қазақстандықтар орта есеппен аздап кедейледі: шоттағы сома өсті, бірақ сол сомамен сатып алуға болатын тауар мен қызметтің көлемі азайды.
Өңірлер бойынша нақты жалақы
Тоқаңдық көрсеткіш бойынша барлық өңірде жалақы төмендеді. Ең қатты “құлдырау” Түркістан облысында тіркелді – минус 19,8%.
- Алматы – минус 3,4%
- Шымкент – минус 5%
- Астана – минус 6,8%
- Атырау облысы – минус 0,3% (ең аз төмендеу)
Жылдық есепте нақты өсім бес өңірде ғана байқалды:
- Астана – +0,1%
- Қостанай облысы – +0,3%
- Павлодар облысы – +1,2%
- Алматы – +2,6%
- Жетісу облысы – +5,9%
Ал қалған өңірлерде нақты жалақы едәуір төмендеді. Ең қатты құлдырау – Атырау облысында, жылдық есепте минус 15,2%.
Бұл Қазақстандағы инфляция азаматтарға ойдағыдан да көп әсер ететінін көрсетеді: жалақы өсімі елдегі бағалардың өсуінен баяу, нәтижесінде сатып алу қабілеті төмендейді.
Қосымша мәлімет
- Бұған дейін біз елдегі орташа жалақы мен қазақстандықтардың ең жиі алатын жалақысын салыстырдық.
- 2025 жылы Қазақстандағы медианалық жалақы 317 512 теңге болды. Яғни халықтың жартысы осы сомадан аз, жартысы көп алады.
- Сондай-ақ, соңғы жылдары нақты жалақының қаншалықты өскені де сарапталған.
