Қазақстанның ең жас әкімі қайда қызмет атқарады
Қазақстанның ең жас әкімі Маңғыстау облысында қызмет етеді. 27 жастағы Сағынжан Тұрақбаев Шебір ауылдық округінің басшысы болып тағайындалғаны туралы dailykz хабарлайды. Ол өзіне артылған жауапкершілікті терең түсінеді.
«Жас екеніңді сылтау ететіндей әлсіздікке жол беруге болмайды. Барлық істе жауапкершілік қажет. Халық бізге ауылды дамыту сенімін арттырды, сондықтан біз үйлесімді жұмыс істеп, олардың үмітін ақтауға тырысамыз», – дейді Сағынжан Тұрақбаев.
Шебір ауылдық округі әкімінің ресми сайтындағы мәліметке сүйенсек, Тұрақбаев Сағынжан Қыдырбекұлы 1998 жылы 9 қаңтарда Маңғыстау облысы, Шебір ауылында дүниеге келген.
Ол жоғары білімді. 2019 жылы Алматыдағы Қазақ ұлттық аграрлық университетін «Қаржы» мамандығы бойынша бітірген. Еңбек жолын 2020 жылы Шебір ауылдық округі әкімінің аппаратына жас мамандар тәжірибесінен бастап бастаған.
Одан кейін 2023 жылғы қазан айының соңына дейін Шебір ауылдық округі әкімінің аппаратының бас маманы қызметін атқарған.
Содан кейін 2024 жылғы наурызға дейін Тұщықұдық ауылдық округі әкімінің аппаратының бас маманы болып жұмыс істеді.
2024 жылғы 18 наурызда Сағынжан Тұрақбаев ресми түрде Шебір ауылдық округінің әкімі болды.
Қазақстанның ең жас әкімі ретінде Сағынжан Тұрақбаев ауыл дамуына ерекше үлес қосып, жас ұрпаққа үлгі болып отыр.
