Қазақстандық мәнерлеп сырғанаушы Самоделкина беделді халықаралық турнирде медаль жеңіп алды
Қазақстан әйелдер құрамасының көшбасшысы, мәнерлеп сырғанаушы Софья Самоделкина Challenger сериясына кіретін халықаралық турнирде жүлдегер атанды. Бұл туралы dailykz хабарлайды.
Хорватияның Загреб қаласында өткен жарыста 18 жастағы спортшы қысқа бағдарламадан кейін жетінші орында тұрған еді. Алайда еркін бағдарламада Самоделкина жоғары шеберлік танытып, 126,35 ұпаймен үшінші нәтиже көрсетті. Бағдарлама барысында бір элементтің қайталануы (екі жеке үштік флип) және бір недокрут болғанына қарамастан, ол үздік үштікке енуге мүмкіндік алды.
Жалпы есепте қазақстандық спортшы 182,63 ұпай жинап, турнирдің қола жүлдесін жеңіп алды. Осылайша, Софья Самоделкина Challenger сериясындағы жарыстарда төртінші рет тұғырға көтерілді. Бұған дейін ол бұл деңгейдегі турнирлерде үш мәрте күміс медаль иеленген.
Хорватия астанасындағы жарыстың жеңімпазы — АҚШ өкілі Брэйди Теннелл (194,97 ұпай). Ол 2018 жылғы Олимпиада ойындарының командалық жарысында қола медаль алған. Күміс жүлде финляндиялық Иида Кархуненге (187,05) бұйырды.
Еске сала кетейік, осы маусымда Софья Самоделкина ISU Гран-при кезеңінде (Жапония) күміс жүлде жеңіп алған болатын. Алайда рейтингінің жеткіліксіз болуына байланысты ол тағы бір кезеңде өнер көрсету мүмкіндігін жіберіп алды — бұл қатысуға рұқсат етілген ең жоғарғы шек саналады.
