«Қазақстан атынан өнер көрсету мен үшін мақтаныш»: Елена Рыбакина жанкүйерлеріне жүрекжарды сөз айтты
Қазақстанның әйелдер арасындағы бірінші ракеткасы Елена Рыбакина Instagram парақшасында маусым қорытындысы бойынша жанкүйерлеріне үндеу жасады, деп хабарлайды dailykz.
«Құрметті достарым, сүйікті жанкүйерлерім! Әрқайсыңызға шексіз алғысымды білдіремін — трибуналарда, экран алдында, хабарламаларыңызда және матчтардан кейінгі жылы сөздеріңіз үшін. Қазақстан атынан өнер көрсету мен үшін үлкен мақтаныш, әрі сіздерге эмоциялар мен жеңістер сыйлау менің басты қуанышым. Әсіресе, көп балалар ракетка алып ойнай бастағанын көргенде қуаныштымын. Егер менің ойыным сіздерді армандауға, еңбек етуге және өзіңізге сенуге шабыттандырса — бұл менің ең үлкен жеңісім.
Алдағы уақытта қысқа демалысым бар, содан кейін жаңа дайындыққа кірісемін. Сіздер әрдайым менімен бірге болғаныңызға рахмет — жеңістерде де, қиын күндерде де. Сіздің сеніміңіз — менің тірегім. Кортта кездескенше! Алға, Қазақстан!»
Айта кетейік, спортшы өмірінде алғаш рет WTA соңғы турнирінің жеңімпазы атанды. Бұл оған маусымды әлемдік рейтингте бесінші орынмен аяқтауға мүмкіндік берді.
Триумфінен кейін Қазақстан Президенті Қасым-Жомарт Тоқаев Рыбакинаны орденмен марапаттады. Сонымен қатар, теннисшінің қанша сыйақы алғаны да белгілі болды.
