Қалдықтарды кәдеге жарату зауыттары: Қазақстанда бірден үш нысан салынады
Қазақстанда қалдықтарды кәдеге жарату зауыттары құрылысы 2026 жылы басталады. Бұл туралы премьер-министр Олжас Бектенов мәлімдеп, жаңа нысандар Астана, Алматы және Шымкент қалаларында салынатынын айтты, деп хабарлайды dailykz.
Астанада, Алматыда және Шымкентте жаңа зауыттар бой көтереді
Үкімет басшысы Олжас Бектенов Экология министрлігіне аталған үш мегаполистің әкімдіктерімен бірлесіп, қалдықтарды энергетикалық тәсілмен өңдейтін зауыттардың құрылысын келесі жылы бастауды тапсырды.
Премьер-министрдің айтуынша:
“Экология министрлігі Астана, Алматы және Шымкент әкімдіктерімен бірге қалдықтарды энергетикалық утилизациялау зауыттарының құрылысын 2026 жылы бастасын”, – деді Олжас Бектенов.
Неліктен тарифтер өсуі мүмкін?
Бүгін Экология және табиғи ресурстар министрінің міндетін атқарушы Жомарт Әлиев елімізде қоқыс шығару тарифтерін көтеру қажеттілігі неден туындайтынын түсіндірді. Оның айтуынша, тарифтердің тым төмен болуы саланы дамытуға кедергі келтіріп отыр.
Қалдықтарды дұрыс сұрыптаудың маңызы
Бұған дейін біз қоқысты дұрыс сұрыптау ережелері мен оның экология үшін маңыздылығы туралы жазған болатынбыз. Дұрыс сұрыптау – жаңа зауыттардың тиімді жұмыс істеуінің негізгі шарттарының бірі.
